Bhartiyans

Menu

तुम्ही मृत्युला पाहिलंय? जवळून थेट? आणि त्यावर विजय मिळवून सुपर-डूपर यशस्वी झालेला माणूस पाहिलाय?

Date : 28 Dec 2016

Total View : 106

तुम्ही मृत्युला पाहिलंय? जवळून थेट? आणि त्यावर विजय मिळवून सुपर-डूपर यशस्वी झालेला माणूस पाहिलाय?


सारांश

तुम्ही मृत्युला पाहिलंय? जवळून थेट? आणि त्यावर विजय मिळवून सुपर-डूपर यशस्वी झालेला माणूस पाहिलाय?



सविस्तर बातमी

तुम्ही मृत्युला पाहिलंय? जवळून थेट? आणि त्यावर विजय मिळवून सुपर-डूपर यशस्वी झालेला माणूस पाहिलाय?

स्वप्नीलने, आपल्या आजच्या कथेच्या या सुपर-नायकाने या मृत्युला अनेकदा जवळून पाहिलं आहे . 
इतकं जवळून, की ‘मृत्यू’च त्याचा ‘दोस्त’ झाला.

चित्रपटासारखे कथानक जीवनात अनुभवणारा कोण हा स्वप्नील..?

एके काळी झोपेच्या गोळ्या घेऊन आत्महत्येचा विचार करणारा निराश मुलगा ते वयाच्या २५ व्या वर्षी फोर्ब मासिकाच्या यशस्वी आणि बदल घडविणाऱ्या व्यावसायिकांच्या यादीत स्वत:चे नाव झळकवणारा कोण हा स्वप्नील..? 
चला, जाणून घेउया,

‘मरणासाठी जन्म माझा’ असे म्हणत १५० हताश लोकांना जगण्याची नवी प्रेरणा देणाऱ्या स्वप्नीलविषयी..!
स्वप्नीलला लिहिण्या-वाचण्यात अडचणी येत असल्याने त्याचे अभ्यासात फारसं लक्ष नव्हतं. 
त्यातच तो १३ वर्षांचा असताना त्याच्या वडीलांचे निधन झाले. 
स्वप्नील या धक्क्याने अधिकच खचला.

त्याला झोपेच्या गोळ्या घ्यायची सवय लागली. मृत्यू जवळचा वाटू लागला.

पण, एक दिवस मनात विचार आला की, माझे हात, पाय काम करत आहेत, श्वास चालू आहे, माझ्या शरीराला जगायचे आहे, मग असं असताना त्याला मारण्याचा अधिकार मला कोणी दिला?

आता मात्र स्वतःला एक संधी द्यायची, असं त्यानं ठरवलं.

त्या दिवसानंतर मात्र स्वप्नीलमध्ये आमुलाग्र बदल झाला. त्याने शिक्षणात लक्ष घातलं. मेहनत करून तो एम.बी.ए. झाला. 
पुढे बँक ऑफ इंडिया आणि अगदी रिझर्व बँकेत सुद्धा त्याने नोकरी केली.

पण नोकरीत त्याचं मन रमत नव्हतं. काहीतरी वेगळं करायची इच्छा स्वस्थ बसू देत नव्हती. 
मग त्याने आदिवासी कला जोपासण्याच्या दृष्टीने सामाजिक-सांस्कृतिक उपक्रम सुरु केला.

एके दिवशी एका आदिवासी पाड्यावरून आलेल्या एका फोनने मात्र त्याच्या आयुष्याला कलाटणी मिळाली..!

कोणाचा होता तो फोन..?

आदिवासी वस्तीतून एका छोट्या मुलीने स्वप्नीलला फोन केला होता आणि ती सांगत होती, की ‘तिच्या वडिलांचे निधन झाले आहे. घराची अवस्था अतिशय बिकट आहे. गावाचा प्रमुख रोज रात्री आईला घेऊन जातो आणि सकाळी आणून सोडतो.’ 
या फोनने तो विचारात बुडाला.